Evrópska einkaleyfastofan veitir aðgang að IPscore, hugbúnaði til að meta einkaleyfi

IPscore var upphaflega þróað af dönsku einkaleyfastofunni og síðar keypt af EPO.  EPO hefur nú gert hugbúnaðinn aðgengilegan á heimasíðu sinni, þar sem áhugasamir geta sótt hann án endurgjalds.  

Með IPscore er hægt að:

• skoða einkaleyfasafn fyrirtækisins
• greina virði einstakra einkaleyfa
• nýta einkaleyfi sem viðskiptatæki á sem bestan máta
• samræma stefnu í einkaleyfamálum við heildarstefnu fyrirtækisins
• greina tækifæri og áhættur

Hugbúnaðurinn notar 40 þætti til að meta hvert einkaleyfi og setur upp niðurstöður í skýringamyndir.  Niðurstöður greiningar eru vistaðar í gagnabanka.

Á heimasíðu EPO má finna stutta kynningu um „Patent portfolio management with IPscore“.  EPO mun jafnframt standa fyrir tveggja daga námskeiði sem og netnámskeiði um notkun IPsore.

Á heimasíðu EPO má nálgast hugbúnaðinn og allar nánari upplýsingar.