Alþjóðasamstarf
Hugverkaréttur og vernd hugverka ráðast mjög af alþjóðlegu samstarfi og er Ísland aðili að mörgum alþjóðlegum samningum á þessu sviði. Með virkri þátttöku á alþjóðavettvangi gefst Einkaleyfastofunni kostur á að fylgjast með breytingum og hafa áhrif á þróun hugverkaréttar í framtíðinni.
Helstu alþjóðastofnanir á sviði hugverkaréttar sem Ísland er aðili að:
Alþjóðlegir samningar á sviði hugverkaréttar sem Ísland er aðili að:
- Parísarsáttmálinn um vernd eignarréttinda á sviði iðnaðar (Paris Convention for the Protection of Industrial Property)
- Bókunin við Madridsamningin um alþjóðlega skráningu merkja (The Protocol relating to the Madrid Agreement)
- Samstarfssáttmálinn um einkaleyfi (Patent Cooperation Treaty (PCT))
- Genfarsamningurinn um alþjóðlega skráningu hönnunar (The Geneva Act of the Hague Agreement concerning the International Registration of Industrial Designs)
- Evrópski einkaleyfasamningurinn (European Patent Convention (EPC))
Þá hefur Ísland sem aðili að Samningnum um alþjóðaviðskiptastofnunina (WTO) aðlagað lög hér á landi að ákvæðum Samningsins um hugverkarétt í viðskiptum (TRIPS). Ennfremur hefur Samningurinn um hið Evrópska efnahagssvæði ásamt viðbótum leitt til þess að ýmsar lagabreytingar hafa verið gerðar hér á landi til samræmis við tilskipanir og reglugerðir Evrópusambandsins.